бірлесіп қимылдау жоспары

(План взаимодействия)

жауынгерлік міндеттерін орындау кезінде әскерлердің (күштердің) келісілген бірлесіп қимылдау тәртібін анықтайтын басқару құжаты. Ол операция жоспарының ең маңызды құжаттарының бірі болып табылады. Б.қ.ж-н бірлестік штабы және бірлесе қимылдайтын әскерлер, әскер түрлері, арнайы әскерлер және тыл штабтары (оперативтік топтармен) бірлесе отырып жасайды. Б.қ.ж. картада сызба түрінде орындалады. Б.қ.ж. мазмұны алдағы ұрыс қимылдарының сипатын, әскер құрамын және оларға қойылған міндеттерді орындау тәсілдерін есепке ала отырып анықталады. Б.қ.ж-нда, әдетте, орындалатын міндеттер, оларды орны (шебі, бағыты, объектісі, алқабы, биіктігі) және уақыты бойынша орындау тәртібі, әскерлердің (күштердің) бірлесіп қимылдау тәсілдері, байланысты және өзара ақпарат алмасуды ұйымдастыру, өзара тану, хабарлау, нысананы көрсету, бағыттауды ұйымдастыру, бірлесіп қимылдау және басқару сигналдары көрсетіледі.